Қишки трансферлар вақтида форвард "Реал"ни тарк этиши мумкин. Гап Родриго ҳақида кетмоқда, у кам ўйин амалиётига эга бўлса-да, Бразилия терма жамоаси ўйинчиси бўлиб қолмоқда.
CaughtOffside нашрининг агентлик соҳасига яқин манбаларга таяниб хабар беришича, "Ливерпуль" ва "Арсенал" январь ойи учун Родриго бўйича трансфер таклифларини тайёрламоқда.
Қайд этилишича, "Реал" Родриго билан боғлиқ вазиятни инобатга олган ҳолда унинг трансфери бўйича таклифларни эшитишга тайёр бўлади. Мадридликлар бразилияликни 85-90 миллион еврога сотиши мумкин.
Эслатиб ўтамиз, январь ойида Родриго 25 ёшни қаршилайди. Жорий мавсумда 15 та ўйинда бразилиялик футболчи иккита голли узатмани амалга оширди.
