Ҳимоячи Дайо Упамекано сўнгги ҳафталарда "Бавария" билан шартномани узайтириш борасида ижобий музокаралар олиб борди. 27 ёшли футболчи мюнхенликлар билан меҳнат шартномасини узайтириши кутилмоқда. Бу ҳақда BBC Sport хабар бермоқда.
Шу билан бирга, манба "Бавария" Упамекано билан шартномани муваффақиятли узайтирган тақдирда ҳам марказий ҳимоячилар бозорида қолишини таъкидламоқда. Кўриниб турибдики, мюнхенликлар бу позицияни кучайтирмоқчи.
Амалдаги шартнома Упамеканони 2025/26 йилги мавсум якунига қадар "Бавария" билан боғлаб туради. Нуфузли Transfermarkt портали футболчини 60 миллион еврога баҳоламоқда.
