Himoyachi Dayo Upamekano so‘nggi haftalarda "Bavariya" bilan shartnomani uzaytirish borasida ijobiy muzokaralar olib bordi. 27 yoshli futbolchi myunxenliklar bilan mehnat shartnomasini uzaytirishi kutilmoqda. Bu haqda BBC Sport xabar bermoqda.
Shu bilan birga, manba "Bavariya" Upamekano bilan shartnomani muvaffaqiyatli uzaytirgan taqdirda ham markaziy himoyachilar bozorida qolishini ta’kidlamoqda. Ko‘rinib turibdiki, myunxenliklar bu pozisiyani kuchaytirmoqchi.
Amaldagi shartnoma Upamekanoni 2025/26 yilgi mavsum yakuniga qadar "Bavariya" bilan bog‘lab turadi. Nufuzli Transfermarkt portali futbolchini 60 million yevroga baholamoqda.
