Муҳаммад Салоҳ деярли икки ҳафта ичида Миср терма жамоасига қўшилади.
Қанот ҳужумчиси 21 декабрдан 18 январгача давом этадиган Африка Миллатлар Кубоги учун миллий терма жамоанинг дастлабки таркибига киритилган.
Аввалроқ 33 ёшли футболчи "Ливерпул"нинг саккизтагача ўйинида майдонга тушиши мумкинлиги ҳақида хабар берилган эди.
"Ливерпул" бош мураббийи Арне Слот бугун Салоҳ 15 декабрь куни миллий терма жамоага қўшилишини эълон қилди. Шундай қилиб, Муҳаммад фақат учта ўйинни ўтказиб юбориши кафолатланган, қолган учта ўйинда иштирок этиш Мисрнинг натижаларига боғлиқ.
