"Арсенал" бош мураббийи Микель Артета жамоа дарвозабони Давид Райяни мақтади. "Канонирлар" испаниялик ўйинчини 2023 йилнинг ёзида "Брентфорд"дан ўз сафига жалб қилганди.

"Давид - ажойиб дарвозабон. Биз уни анча олдин - мен мураббий этиб тайинланганимдан сўнг тезда сотиб олишга ҳаракат қилган эдик, аммо у яна бир неча йил кутишига тўғри келди. Райя "Арсенал"да ажойиб ўйин кўрсатмоқда ва унинг биз билан биргалигидан жуда мамнунман. Бу энг яхши трансфер бўлдими ёки йўқми, айтиш қийин, лекин у бизни шубҳасиз янги босқичга олиб чиқди. У ўйинимизга янгича руҳ олиб кирди," - деди Артета чоршанба куни бўлиб ўтадиган "Брентфорд"га қарши ўйин олдидан.

Жорий мавсумда Давид Райя 18 та учрашувда атиги 8 та гол ўтказиб юборди.