"Барселона" ярим ҳимоячиси Айтана Бонмати оёғи синганлиги сабабли 5 ойга яқин майдонга туша олмайди, дея хабар бермоқда клуб матбуот хизмати.
Клубда маълум қилинишича, футболчи чап кичик болдир суяги синганлиги сабабли операция қилинган ва тикланиш жараёнини бошлаган.
27 ёшли испаниялик уч карра "Олтин тўп" соҳибаси ҳисобланади (2023, 2024 ва 2025).
У "Барселона" сафида 326 та ўйин ўтказиб, 117 та гол урган. Испания терма жамоаси сафида Бонмати 83 та ўйин ўтказиб, 31 та гол урган.













