"Barselona" yarim himoyachisi Aytana Bonmati oyog‘i singanligi sababli 5 oyga yaqin maydonga tusha olmaydi, deya xabar bermoqda klub matbuot xizmati.

Klubda ma’lum qilinishicha, futbolchi chap kichik boldir suyagi singanligi sababli operasiya qilingan va tiklanish jarayonini boshlagan.

27 yoshli ispaniyalik uch karra "Oltin to‘p" sohibasi hisoblanadi (2023, 2024 va 2025).

U "Barselona" safida 326 ta o‘yin o‘tkazib, 117 ta gol urgan. Ispaniya terma jamoasi safida Bonmati 83 ta o‘yin o‘tkazib, 31 ta gol urgan.