Англия чемпионатининг ўн тўртинчи турида "Ньюкасл" "Тоттенхэм"га қарши ўйинда икки марта ҳисобда олдинда борди, аммо икки марта гол ўтказиб юборди ва охир-оқибат уч очко ўрнига фақат битта очко олди. Бруно Гимараэс учрашувнинг бундай натижаларидан ҳафсаласи пир бўлганини яширмади.
"Бу ўйин ҳақида гапиришим қийин. Ҳаммамиз жуда хафа бўлдик. Оддий тўпни жарима майдонидан узоқлаштира олмадик. Аммо умидсизликка тушмаслик керак, бу вазиятни ўзгартириш керак. Энг охирида бундай ўтказиб юбормасликка ҳаракат қилиш керак", - дея Гимараэснинг сўзларини келтиради BBC Sport.
"Ньюкасл" Англия чемпионати турнир жадвалида ўн учинчи ўринни эгаллаб турибди.
