"Барселона" клуби ва Испания терма жамоаси собиқ футболчиси Гаиска Мендьета "Манчестер Юнайтед" марказий ярим ҳимоячиси Бруну Фернандеш ўз кучини Каталония клубида синаб кўриши керак, деб ҳисобламоқда.
"Истеъдод нуқтаи назаридан унда Ла Лигада муваффақиятга эришиш учун ҳамма нарса бор. У нега Ла Лигага, айниқса, "Барселона"га ўта олмаганини тушунмаяпман. "Барселона" мухлислари уни яхши кўриб қолишарди, бу аниқ," - дея мутахассиснинг сўзларини келтиради Casinostugan.
Португалиялик хавбек манкунианликлар шарафини 2020 йилдан буён ҳимоя қилиб келмоқда. Жамоа сардори барча мусобақаларда 304 та ўйинда 100 та гол урган ва 91 та голли узатмани амалга оширган. Фернандешнинг "Манчестер Юнайтед" билан амалдаги шартномаси 2027 йилнинг ёзида якунига етади.
