"Барселона" матбуот хизмати Ла Лига 19-туридан ўрин олган "Атлетико"га (3:1) қарши ўйиндан сўнг жамоа ярим ҳимоячиси Даниэль Ольмо жароҳат олганини маълум қилди.
"Асосий таркиб футболчиси Даниэль Ольмонинг сешанба куни "Атлетико"га қарши ўйинда чап елкаси чиқиб кетди. Текширувдан сўнг, консерватив даволаш ҳақида қарор қабул қилинди. Тикланиш муддати бир ой атрофида бўлади," - дейилади "Барселона" матбуот хизмати хабарида.
Футболчи 2 декабрь, сешанба куни "Атлетико"га қарши баҳсни асосий таркибда бошлади. Ольмо 65-дақиқада ҳисобни 2:1 кўринишига келтирди, бироқ у муваффақиятсиз йиқилиши натижасида жароҳат олди.
