"Реал" кетма-кет уч дурангдан сўнг Испания Ла Лигасида пешқадамликни бой берди. Хаби Алонсо Мадрид жамоаси бош мураббийлигидан истеъфога чиқарилиши ҳақида миш-мишлар тарқала бошлади. Бироқ, испан оммавий ахборот воситалари, жумладан Defensa Central хабарига кўра, айни пайтда "қаймоқранглилар" босслари Алонсони тўлиқ қўллаб-қувватламоқда. Клубдагилар Хаби вазиятни ўнглай олишига ишонишмоқда.

Шу билан бирга, манбанинг таъкидлашича, агар "Реал" кейинги ўйинларда ҳам ёмон натижалар кўрсатишда давом этса, Алонсонинг позицияси заифлашиши мумкин.

Ҳозирда "Реал" пешқадам "Барселона"дан 4 очко ортда қолмоқда.