"Арсенал" бош мураббийи Микель Артета Премьер-лига доирасидаги "Брентфорд"га (2:0) қарши ўйинга муносабат билдирди.
Учрашувнинг 11-дақиқасида Микель Мерино "канонирлар"ни олдинга олиб чиққан бўлса, 91-дақиқада Букайо Сака якуний натижани қайд этди.
"Брентфорд"га қарши ўйнаш ҳар доим ноқулай. Бу рақиб билан 1:0 етарли бўлиши мумкин эмас, аммо бугун, менимча, устунлик қилдик ва кўпроқ хавфли вазиятлар яратдик. Мен жуда мамнунман. Тиғиз тақвим туфайли тикланиш учун вақтимиз бўлмади, аммо футболчилар яна ўзлари истаган натижага эришишди ва мен улар билан фахрланаман," - деди Артета Sky Sports’га берган интервьюсида.
