"Сантос" Бразилия чемпионати доирасида "Жувентуда"ни 3:0 ҳисобида мағлуб этди. Ғолиблар сафидаги учала голга ҳам Неймар муаллифлик қилди.
Ушбу хет-трик бразилиялик футболчи учун фаолиятидаги 22-хет-трик бўлди, деб хабар беради Opta Stats. У "Сантос" таркибида энг кўп - 10 бор 1 ўйинда 3 та гол урган.
Эътиборлиси, қолган жамоаларида 33 ёшли вингер 4тадан хет-трик қайд этган. Бу рўйхатдан "Барселона", "ПСЖ" ва Бразилия терма жамоаси ўрин олган.
Неймар "Сантос" тарбияланувчиси ҳисобланади. Бразилиялик "Ал-Ҳилол"даги муваффақиятсиз даврдан кейин январь ойида ўз клубига қайтди. Жорий мавсумда юлдуз вингер барча мусобақаларда 27 та ўйинда майдонга тушиб, 11 та гол урди ва тўртта голли узатмани амалга оширди.
