"Ливерпуль" бош мураббийи Арне Слот "Сандерленд"га (1:1) қарши ўйинда Муҳаммад Салоҳни асосий таркибга киритмаслик қарорини изоҳлади.

"Қизиллар" вингери кетма-кет иккинчи ўйинда захирада қолдирилди. У иккинчи бўлимда Коди Гакпонинг ўрнига майдонга тушди.

"Мен худди шу жамоадан фойдаланаман, бу доимийлик ва янгилик ўртасидаги мувозанатдир. Кўриниб турибдики, бизга бутун таркиб керак, чунки бошланғич таркибдаги баъзи футболчилар 90 дақиқа ўйнай олмайди. 

Барча ўйинчиларда ўзини кўрсатиш имконияти бор, шубҳасиз, Муҳаммад улардан бири. Яхшиям захирамизда унга ўхшаган футболчилар бор.

Биз қисқа суҳбатлашдик. "Айнтрахт" билан ўйиндан кейин кўп гаплашдик, ҳозир эса унчалик эмас. У тўғри муносабатда бўлади, у ҳақиқий профессионал. У жуда яхши машқ қилади ва жамоадошларига ижобий муносабатда бўлади.

У ўйнаётганда намуна бўлади, энди эса ўйнамаётганда ўзини қандай тутиш кераклиги бўйича намуна бўлади", - деди Слот.