Флориан Вирц ёзнинг энг қимматбаҳо трансфери бўлганидан кейин ҳамон "Ливерпуль" сафида гол ура олмаяпти. Чоршанба куни германиялик футболчининг зарбасидан сўнг тўп "Сандерленд" дарвозаси тўридан жой олди, бироқ АПЛ голни Норди Мукиэленинг автоголи сифатида қайд этди.
"Қора мушуклар" билан дурангдан сўнг (1:1) Вирцдан дебют голини олиб қўйишгани ҳақида изоҳ сўрашди. Футболчи бундан хавотирда эмаслигини маълум қилди.
"Бу муҳим эмас. Биз ғалаба қозонмоқчи эдик, аммо дуранг ўйнадик. Мана шуниси муҳим," - деди Вирц Sky Sports’га.
"Ливерпуль" айни дамда Англия чемпионати турнир жадвалида 22 очко билан 8-ўринда бормоқда. Пешқадам "Арсенал"дан Арне Слот жамоаси 11 очко ортда қолмоқда.













