"Айнтрахт" клуби қанот ҳужумчиси Жан Маттео Баойя Лондоннинг "Арсенал" клубига ўтиши мумкин. Бу ҳақда журналист Флориан Плеттенберг хабар бермоқда.
Манбага кўра, 20 ёшли франциялик футболчига "Арсенал" жиддий қизиқиш билдирмоқда. Бироқ гап январдаги трансфер ойнаси ҳақида эмас, ёзги трансфер ҳақида кетмоқда. Таъкидланишича, "Айнтрахт" футболчи учун тахминан 70 миллион евро олмоқчи.
Жорий мавсумда Баойя барча турнирларда 18 та ўйинда майдонга тушиб, 3 та гол урди ва 1 та голли узатмани ўз ҳисобига ёздириб қўйди.
Франциялик футболчининг немис клуби билан амалдаги меҳнат шартномаси 2029 йилнинг июнигача мўлжалланган.
