"Интер Майами" ва Аргентина терма жамоасининг юлдуз ҳужумчиси Лионель Месси болалигида қандай орзу қилгани ҳақида гапириб берди.
"Мен ҳар доим болалигимдаги орзуим "Ньюэллс Олд Бойз"нинг асосий жамоасида ўйнаш бўлганини айтаман. Стадионга бориб, профессионал футболчи бўлишни орзу қилардим. Кейинчалик орзум бутунлай ўзгариб, 13 ёшимда "Барселона"га кетдим. Кейин мен дебют қилдим ва ҳамма нарса содир бўлди. Ҳатто энг катта орзуларимда ҳам бундай бўлишини тасаввур қилмагандим. Мен тасаввур қилганимдан ҳам кўпроқ нарсаларни бошдан кечирдим," - деди Месси.
Лионель Месси "Олтин тўп"нинг саккиз карра соҳиби ҳисобланади.













