"Ювентус" ҳужумчи Душан Влаховични узоқ вақтга йўқотди. Сербиялик форвард яқинлаштирувчи мушакда жарроҳлик амалиётини ўтказди, деб хабар берди Турин клуби матбуот хизмати. Тикланиш камида 14 ҳафта давом этади. Шу тариқа, кўринишидан ҳужумчи фақат баҳорда, мавсум охирида майдонга қайтиши мумкин.
Душан Влахович жорий мавсумда "Ювентус" сафида 17 та баҳсда 6 та гол урди ва жамоадошларига 2 та голли узатмани амалга оширди. Январь ойида футболчи 26 ёшга тўлади, июнь ойи охирида эса "кекса синьора" билан амалдаги меҳнат шартномаси муддати тугайди.
Якшанба куни Лучано Спаллетти жамоаси А Серия доирасида "Наполи" меҳмони бўлади.
