Англия терма жамоаси бош мураббийи Томас Тухель жаҳон чемпионати - 2026 ўйинларида жазирама туфайли миллий терма жамоа захира футболчиларини кийиниш хонасида қолдиришини айтди. Германиялик мутахассис ҳамкасбларининг клублар ўртасидаги жаҳон чемпионатида орттирган тажрибасини келтириб ўтди.

"Агар бу бизга ўйин охирида, майдонга захира керак бўлганда ёрдам берса, бундай имкониятни кўриб чиқамиз, ҳа. Албатта, бу менга ёқмайди. Ҳеч кимга ёқмайди. Футболчилар майдонда бўлаётган воқеаларга алоқадор бўлишини ва воқеа жойидан узоқда бўлмаслигини истардим, аммо клублар ўртасидаги жаҳон чемпионатида футболчилар кийиниш хонасига кириб кетганини кўрдим.

Умид қиламанки, биз бунинг олдини олишга муваффақ бўламиз. Йигитларинг ёнингда бўлгани доим яхши", - дея Тухелнинг сўзларини келтиради Франциянинг машҳур РМC Sport онлайн-нашри.