Флик де Йонг, Лопес ва "Барселона"нинг яна бир неча футболчисининг ҳолати ҳақида гапирди.
"Барселона" бош мураббийи Ханс-Дитер Флик Ла Лига доирасидаги "Бетис"га қарши ўйин олдидан ўтказилган матбуот анжуманида чиқиш қилди. Германиялик мутахассис кадрлар билан боғлиқ саволларга жавоб берди.
"Фермин Лопес бир неча дақиқа ўйнай олади, деб ўйлайман. Аммо дастлабки дақиқаларданоқ майдонга туша олишига ишончим комил эмас. Де Йонг бошланғич таркибда тушиши мумкинми? Умуман олганда, ҳа, у ўйнай олади.
Ольмони йўқотиш? У юқори савияда ўйнади, аммо футболда бундай ҳолатлар бўлиб туради. Гави? Унинг аҳволи яхши. Сешанба куни у жамоа билан ғалабани нишонлаш учун майдонга югуриб чиқди. У қайтгач, янада кучлироқ бўлади", - деди Флик журналистларга.
"Барселона" Ла Лигада "Реал"ни 1 очкога ортда қолдириб, пешқадамлик қилмоқда.
