Франция чемпионатининг 15-турида "Лилль" ўз майдонида "Марсель"ни мағлуб этди - 1:0.
Ягона гол муаллифи "Реал" форварди Килиан Мбаппенинг укаси Этан Мбаппе бўлди. У 10-дақиқада Набил Бенталебнинг узатмасини голга айлантирди.
Учрашувнинг 21-дақиқасида мезбонлар форварди Ҳамза Игаман жароҳат олиб, ўйинни давом эттира олмади. Унинг ўрнига ЖЧ-2018 чемпиони Оливье Жиру майдонга тушди.
"Марсель" 29 очко билан Лига 1 турнир жадвалида учинчи ўринда бормоқда. Худди шунча балл тўплаган "Лилл" қўшимча кўрсаткичлар бўйича оқ-ҳаворангдан бир поғона пастда жойлашади. Жамоа барча турнирларда кетма-кет тўртинчи ғалабани қўлга киритди.
