Шанба куни "Астон Вилла" ва "Арсенал" Премьер-лиганинг ўн бешинчи турида майдонга тушади.
Ҳозирда жамоалар 27 ва 33 очко тўплаган ҳолда турнир жадвалида мос равишда учинчи ва биринчи ўринларни эгаллаб турибди. "Канонирлар" етакчиси Микель Артетадан "вилланлар"ни чемпионликка даъвогарлар деб ҳисоблайсизми, деб сўрашди.
"Астон Вилла" қаерда жойлашганини кўринг. Агар улар шу руҳда давом этсалар, албатта, имкониятлари бўлади. Юқорида турган ҳар қандай жамоа чемпион бўлиш имкониятига эга", - деди Артета журналистларга.
"Астон Вилла" - "Арсенал" учрашуви 6 декабрь куни Тошкент вақти билан соат 17:30да бошланади.
