"Ливерпуль" жамоаси бош мураббийи Арне Слот ҳужумчи Александр Исакнинг жорий мавсумдаги муаммолари ҳақида фикр билдирди.
"Исак учун асосий фарқ шундаки, биз кўпинча паст мудофаа блокига қарши туришимиз керак. "Ньюкасл"да бундай бўлмаган, демоқчи эмасман, лекин менимча, унчалик кўп эмас. Бу мавсумда бутун лига ўзгарди: жамоалар тобора чуқур ҳимояланаётганини кўряпмиз. Фақат бизга қарши эмас, умуман олганда.
Ҳозир Исак учун "Ньюкасл"дагига қараганда қийинроқ, бироқ гап мослашишда ҳам: у жамоадошларига, улар эса унга кўникишда давом этмоқда", - деди Слотт матбуот анжуманида.
