"Барселона" марказий ҳимоячиси Эрик Гарсия клуб билан шартномасини узайтирди. Испаниялик футболчининг аввалги келишуви жорий мавсум якунида ўз ниҳоясига етадиган бўлса, янгиси 2031 йилнинг ярмигача мўлжалланган.
"Эрик билан шартномани узайтириш - ажойиб янгилик. Унинг жамоадаги мавқеи жуда ўзгарди. У бор-йўғи 24 ёшда, у катта фойда келтиради ва ҳеч қачон ҳеч нарсадан шикоят қилмайди", - дея "кўк-анорранглилар" спорт директори Декунинг сўзларини келтиради Barca Universal.
Гарсия 2021 йилда "Барселона"га қайтди. Жорий мавсумда футболчи Ҳанс-Дитер Флик жамоаси сафида барча мусобақаларда 20 та ўйинда майдонга тушиб, биттадан гол ва ассист қайд этган.
