Мадриднинг "Атлетико" клуби ҳужумчиси Жакомо Распадори ватанига қайтиши мумкин.
25 ёшли футболчи "матрасчилар"нинг асосий таркибига камдан-кам тушади, бу эса унинг тез орада Италияга қайтиши ҳақидаги миш-мишларга сабаб бўлди. Журналист Экрем Конурнинг ёзишича, ҳужумчини "Рома" нишонга олган, шунингдек, "Милан" ва "Ювентус" ҳам у учун курашишга тайёр.
Жакомо Распадори шу йилнинг август ойида "Наполи"дан 22 млн евро эвазига "Атлетико"га ўтган эди. Италиялик футболчининг трансфер нархи машҳур Transfermarkt портали мутахассислари томонидан 25 млн еврога баҳоланмоқда.
Жорий мавсумда футболчи Симеоне жамоаси сафида 11 та ўйинда битта гол ва иккита голли узатмани ўз ҳисобига ёздириб қўйди.
