Madridning "Atletiko" klubi hujumchisi Jakomo Raspadori vataniga qaytishi mumkin.
25 yoshli futbolchi "matraschilar"ning asosiy tarkibiga kamdan-kam tushadi, bu esa uning tez orada Italiyaga qaytishi haqidagi mish-mishlarga sabab bo‘ldi. Jurnalist Ekrem Konurning yozishicha, hujumchini "Roma" nishonga olgan, shuningdek, "Milan" va "Yuventus" ham u uchun kurashishga tayyor.
Jakomo Raspadori shu yilning avgust oyida "Napoli"dan 22 mln yevro evaziga "Atletiko"ga o‘tgan edi. Italiyalik futbolchining transfer narxi mashhur Transfermarkt portali mutaxassislari tomonidan 25 mln yevroga baholanmoqda.
Joriy mavsumda futbolchi Simeone jamoasi safida 11 ta o‘yinda bitta gol va ikkita golli uzatmani o‘z hisobiga yozdirib qo‘ydi.













