Бразилия терма жамоаси бош мураббийи Карло Анчелотти "Реал"нинг икки собиқ юлдузи - Криштиану Роналду ва Хамес Родригеснинг жаҳон чемпионати - 2026 гуруҳ босқичи ўйинида тўқнаш келиши мумкинлиги ҳақида фикр билдирди.
Португалия ва Колумбия терма жамоалари К гуруҳидан жой олди, у ерда Ўзбекистон терма жамоаси ва плей-офф ғолибларидан бири ҳам иштирок этади.
"Роналду ва Хамес қарама-қаршилиги? Иккаласига ҳам меҳрим баланд. Бу борада яна нима дейишни билмайман. Мен уларга ва уларнинг жамоаларига энг яхши тилакларни тилайман, аммо улар Бразилиядан ортда қолишсин", - деди Анчелотти қуръа натижаларига изоҳ берар экан.
Бразилияликлар C гуруҳида ўйнайди - уларнинг рақиблари Марокаш, Шотландия ва Гаити бўлади.
