"Барселона" спорт директори Деку ҳужумчи Роберт Левандовскининг клубни тарк этиши мумкинлиги ҳақидаги гап-сўзларга изоҳ берди.
37 ёшли футболчининг амалдаги меҳнат шартномаси жорий мавсум якунлангач ўз ниҳоясига етади. Кўплаб миш-мишларга кўра, юлдуз польякни Саудия Арабистони клублари ўз сафига қўшиб олмоқчи.
"Роберт - сўнгги йиллардаги энг яхши ҳужумчилардан бири, унинг шартномаси ҳали тугамаган. Ҳеч нарса ҳал қилинмаган, хулоса чиқаришга ҳали эрта," - деди Деку яқинда берган интервьюсида вазият ҳақида.
Роберт Левандовски жорий мавсумда Ханс-Дитер Флик жамоаси сафида 16 та ўйинда 8 та гол ва битта ассистни ўз ҳисобига ёздириб қўйди.
