"Barselona" sport direktori Deku hujumchi Robert Levandovskining klubni tark etishi mumkinligi haqidagi gap-so‘zlarga izoh berdi.
37 yoshli futbolchining amaldagi mehnat shartnomasi joriy mavsum yakunlangach o‘z nihoyasiga yetadi. Ko‘plab mish-mishlarga ko‘ra, yulduz polyakni Saudiya Arabistoni klublari o‘z safiga qo‘shib olmoqchi.
"Robert - so‘nggi yillardagi eng yaxshi hujumchilardan biri, uning shartnomasi hali tugamagan. Hech narsa hal qilinmagan, xulosa chiqarishga hali erta," - dedi Deku yaqinda bergan intervyusida vaziyat haqida.
Robert Levandovski joriy mavsumda Xans-Diter Flik jamoasi safida 16 ta o‘yinda 8 ta gol va bitta assistni o‘z hisobiga yozdirib qo‘ydi.
