"Динамо" Киев ва "Милан" клубларининг собиқ ҳужумчиси, ҳозирда Украина футбол ассоциацияси раҳбари лавозимида ишлаб келаётган Андрей Шевченко ЖЧ-2026 финал босқичига қуръа ташлаш натижалари ҳақида гапирди.
"Бизнинг асосий мақсадимиз - ЖЧга чиқиш. Айнан шу ўйинларга тайёргарлик кўриш керак. Гуруҳ масаласига келсак, рақиблар жуда кучли, аммо биринчи навбатдаги мақсад - ЖЧга чиқиш," - дея УФА раҳбарининг сўзларини келтиради suspilne.media.
Жаҳон чемпионатига йўлланма олган тақдирда, Украина терма жамоаси Тунис, Япония ва Нидерландия терма жамоалари билан бир гуруҳда ўйнайди. Мундиал Шимолий Америкада бўлиб ўтади.
