"Барселона"нинг ўнг қанот ҳимоячиси Эктор Форт "Эльче"да ижара асосида ҳаракат қилиб, тажриба тўпламоқда.
19 ёшли футболчи жорий мавсум аввалида Сегундадан Ла Лигага кўтарилган жамоа сафига қўшилди. Журналист Херман Бонинг маълум қилишича, "Барса" "Эльче"даги истиқболли футболчининг муваффақиятларидан мамнун. Футболчи кейинги мавсумда ҳам шу руҳда давом этса, Каталония суперклубида ўзини кўрсатиш имкониятига эга бўлиши аниқ.
Эктор Форт Испания чемпионатининг жорий мавсумида еттита ўйинда иштирок этди, шунингдек, мамлакат кубоги доирасида икки марта майдонга тушди. Испанияликнинг "Барселона" билан шартномаси 2029 йилнинг ёзигача мўлжалланган.
