Ферран Торреснинг хет-триги "Барселона"га Ла Лига шанба кунги ўйинида "Бетис"ни мағлуб этишга ёрдам берди (5:3).

Испаниялик ҳужумчи беллашувнинг 11, 13 ва 40-дақиқаларида дарвозани ишғол қилди.

"Ферран - жуда ақлли футболчи. У бўш позициядан жуда яхши фойдаланади - бугун у буни жуда ажойиб тарзда амалга оширди. У ўзига ишонган, психологик жиҳатдан кучли. Бунга машаққатли меҳнат билан эришилади. Торрес асосий таркибдан жой олишга лойиқ эди. У ҳар доим керак бўлганда ёрдам беришга тайёр," - деди Флик матбуот анжуманида.