"Барселона" ҳужумчиси Ферран Торрес ёзги трансферлар вақтида Англия Премьер-лигасига қайтишдан бош тортди. Бу ҳақда El Nacional хабар берди.
Манбага кўра, Торресни "Астон Вилла" ва "Ньюкасл" ўз сафига қўшиб олишга ҳаракат қилган, аммо футболчи жамоада юқорироқ мавқега эришиш умидида "Барселона"да қолишга қарор қилган. Испания чемпионатининг ўтган турида "Бетис"га қарши кечган баҳсда (5:3) Торрес хет-трик қайд этди.
Шу билан бирга, каталонияликлар мавсум якунлангач, Торресни "Атлетико" ҳужумчиси Хулиан Альваресга алмаштириш имкониятини кўриб чиқаётгани айтилмоқда.
Жорий мавсумда 25 ёшли испаниялик барча мусобақаларда 19та ўйинда майдонга тушиб, 13 марта рақиблар дарвозасини ишғол қилди ва битта голли узатмани амалга оширди.













