"Реал"нинг собиқ футболчиси Гути жамоа бош мураббийи Хаби Алонсонинг фаолияти ҳақида ўз фикрини билдирди.

"Хаби келганда, у турли усулда ўйнашини айтган эди: учта марказий ҳимоячи билан ҳам, тўртта билан ҳам, 4-3-3 тизимида ҳам... Жамоа футболчиларига мослашиш - буюк мураббийнинг қобилиятидир. Дастлабки ўйинларда у ҳар бир ўйинчини синчковлик билан кузатди. У вазиятга мослашмоқда. Ҳозирги таркиб ва тизим мукаммалми, билмайман, лекин "Атлетик"ка қарши ўйинда ҳаммаси аъло даражада ишлади," - дея Гутининг сўзларини келтирди Madrid Zone.

Испания Ла Лигасининг 19-турида "Реал" сафарда "Атлетик"ни 3:0 ҳисобида мағлуб этди. Голларни Камавинга ва Мбаппе (дубль) урди.