"Барселона" марказий ҳимоячиси Рональд Араухо психологик муаммолар туфайли таркибдан четда қолмоқда. 26 ёшли футболчи Чемпионлар лигаси доирасида "Челси"га қарши ўйинда (0:3) четлатилганидан кейин танқидларга учраганини оғир қабул қилди.
Уругвайлик футболчи клубга ҳозирча майдонга туша олмаслигини маълум қилди ва дам олди. Журналист Хелена Кондиснинг ёзишича, "Барселона" ҳали ҳам футболчининг қачон сафга қайтиши мумкинлигини билмаяпти. Аввал хабар берганимиздек, Каталония гранди январь ойида унинг ўрнига шартнома имзолаш учун трансфер бозорига чиқишга тайёр.
Сешанба куни "кўк-анорранглилар" Чемпионлар лигасида Франкфуртнинг "Айнтрахт" клубига қарши майдонга тушади.
