"Наполи" бош мураббийи Антонио Конте А Серия 14-туридан ўрин олган "Ювентус"га (2:1) қарши ўйиндаги ҳиссиётлари билан ўртоқлашди.

"Футболчиларга раҳмат айтаман. Ўйнаётганлар ҳар доим чақирувга жавоб беришади. Бу болалар жуда улғайиб қолишди ва бу мени ғурурлантиради. Улар биз бошдан кечираётган ўзига хос лаҳзани тушунишди.

Мактоминей ҳеч қачон кучини аямайди, ақл бовар қилмайдиган ўйин ўтказган Элмас ҳақида ҳам шундай дейиш мумкин. Улар бу йигитларнинг ақл бовар қилмас эканлигининг исботидир. "Аталанта," "Рома" ва "Ювентус" каби жуда кучли жамоаларга қарши ўта қийин вазиятда ўйнадик.

Бу энергияга қойил қолдим. Энди дам олишимиз керак, Чемпионлар Лигасида "Бенфика"га қарши ўйнаймиз, аммо бу ўйинга кўпроқ тайёргарлик кўрамиз, чунки бу йигитлар тикланишлари керак", - деди Конте.

Ҳозирда "Наполи" Италия чемпионати турнир жадвалида биринчи ўринда бормоқда. Жамоа 14 тур давомида 31 очко тўплади.