Лондоннинг "Арсенал" клуби ярим ҳимоячиси Деклан Райс жамоа ичидаги юқори рақобат ҳақида фикр билдирди. 

"Машғулотлар бор, ўйинлар бор, майдонга тушиб, таассурот қолдиришни, асосий таркибда майдонга тушишни истайдиган одамлар бор. Сен "Арсенал" футбол клубидасан, ҳамма асосий таркибда тушишни истайди.

Рақобат - бу ажойиб нарса, чунки у энг яхши фазилатларни очиб беради ва мен учун бу аниқ шундай эканлигини биламан. Мен ҳар бир ўйинда, энг муҳим ва энг яхши ўйинларда ўйнашни истайман. Аммо мен жамоавий ўйинчи эканлигимни ва турли ўйинларда турли ролларни ўйнайдиган турли ўйинчилар кераклигини ҳам тушунаман. Ҳаммамиз биргаликда ҳаракат қилар эканмиз, ўйлайманки, биз тўғри йўналишда ҳаракат қила оламиз.

Машғулотлар жуда яхши даражада ўтмоқда. Бизда топ футболчилар бор, кўпчилиги жароҳатдан тикланмоқда. Жамоа ҳақиқатан ҳам кучли. Машғулотлар жуда яхши ташкил этилган ва ўйлайманки, ўйинлар олдидан кучга тўлганимизни ва ҳар ким ўз вазифасини билишини кўриб турибсиз", - дея инглизнинг сўзларини келтиради "Арсенал" расмий сайти.