АПЛнинг 15-туридан ўрин олган "Астон Вилла"га (2:1) қарши баҳсда Леандро Троссард ўзига хос натижа қайд этди ва "Арсенал" тарихида бу натижани такрорлай олган учинчи футболчи бўлди.
Нуфузли Opta Analyst статистик портали захирадан майдонга тушган 30 ёшли бельгиялик футболчи "канонирлар"нинг Англия чемпионатидаги сўнгги ўйинида гол уриб, яна захирага олинганига эътибор қаратди. Аввалроқ, 2009 йил декабрь ойида "Астон Вилла"га қарши ўйинда Сеск Фабрегас ва 2014 йил январь ойида "Кардифф"га қарши ўйинда Никлас Бендтнер худди шундай қилишга муваффақ бўлган эди.
Қўшимча қиламизки, Троссард бу мавсумда "Арсенал" сафида барча мусобақаларда 17та ўйинда майдонга тушиб, 6та гол урди ва 5та голга ассистентлик қилди. У "канонирлар" сафида жами 141 та ўйинда 34 та гол ва 28 та голли узатмани амалга оширган.
