"Ливерпуль" Муҳаммад Салоҳнинг баёнотларига қарамай, футболчи билан 2027 йилгача мўлжалланган шартномага амал қилишда давом этмоқда ва юзага келган вазият ҳали тўғриланиши мумкинлигини тахмин қилмоқда.
Айни пайтда мерсисайдликлар вингернинг жамоани тарк этишини режалаштирмаяпти ва қишки трансфер ойнасидан фойдаланиб, унинг ўрнига бошқа футболчи сотиб олиш ниятида эмас.
Эслатиб ўтамиз, футболчи кетма-кет учта ўйинда асосий таркибга кира олмагани учун клубнинг ўзига бўлган муносабатини танқид қилганди.
