"Галатасарой" қишки трансферлар вақтида А Сериянинг энг яхши ҳужумчиларидан бирини ўз сафига қўшиб олишни режалаштирмоқда.
Журналист Николо Скиранинг маълум қилишича, турк клуби "Аталанта"дан Адемола Лукман трансферига қизиқиш билдирмоқда ва 28 ёшли нигерияликни ўз мақсадлари рўйхатига қўшиб, тез орада унинг трансферини расмийлаштиришга тайёрланмоқда.
Лукманнинг "Аталанта" билан амалдаги шартномаси 2027 йилнинг июнь ойи охиригача мўлжалланган, аммо унинг клубдаги узоқ муддатли келажаги ҳамон мавҳумлигича қолмоқда. Transfermarkt сайтида унинг бозордаги трансфер нархи 40 миллион еврога баҳоланмоқда.
Бу мавсумда Адемола Лукман "Аталанта" сафида барча мусобақаларда 14 та ўйинда 3 та гол урди ва битта голли узатмани амалга оширди. У бергамоликлар сафида жами 132 та баҳсда 55 та гол ва 26 та голли узатмани амалга оширди.
