"Ливерпуль" бош мураббийи Арне Слот жамоа ҳужумчиси Муҳаммад Салоҳнинг клубдаги вазият ҳақидаги сўзлари унинг обрўсига путур етказди, деб ҳисобламайди.
Эслатиб ўтамиз, Салоҳ Слот мураббийлар штабини танқид қилган эди. Ҳужумчи кетма-кет учта ўйинни захирада бошлади ва фақат биттасида захирадан майдонга тушди.
Натижада мисрлик футболчи Африка Миллатлар Кубогидан кейин клубни тарк этиш билан таҳдид қилди, Слот эса уни Миланнинг "Интер" клубига қарши Чемпионлар Лигаси ўйини қайдномасига киритмади.
"Мен Салоҳнинг сўзлари билан обрўйимга путур етди, деб ҳисобламайман. Гап менда эмас, жамоа ва клубга қийинроқ бўлганида. Бу ҳар куни астойдил ишлайдиган ходимларга, айниқса, натижаларга қандай таъсир қилишини кўриш оғир," - дея мутахассиснинг сўзларини келтиради Фабрицио Романо.
