Муҳаммад Салоҳ "Ливерпуль"нинг Чемпионлар Лигаси доирасида "Интер"га қарши сафар ўйини қайдномасидан ўрин олмади. Мерсисайдликлар Салоҳнинг шов-шувли интервьюсидан кейин уни Италияга олиб кетмасликка қарор қилишди. Мисрлик футболчи жамоа бошланғич таркибдаги ўрнини йўқотганидан норози бўлиб, Арне Слот ва клубни танқид қилди.

Таниқли журналист Бен Жейкобснинг ижтимоий тармоқларда маълум қилишича, 33 ёшли Салоҳни четлатиш ҳақидаги қарорни "Ливерпуль" спорт директори Ричард Хьюз қабул қилган. У мураббий Слот билан гаплашди ва шундай қарорга келди. Салоҳ мунозараларда иштирок этмади.

Чемпионлар Лигаси умумий босқич 5-турида "Интер" ва "Ливерпуль" 9 декабрь, сешанба куни тўқнаш келади.