Muhammad Saloh "Liverpul"ning Chempionlar Ligasi doirasida "Inter"ga qarshi safar o‘yini qaydnomasidan o‘rin olmadi. Mersisaydliklar Salohning shov-shuvli intervyusidan keyin uni Italiyaga olib ketmaslikka qaror qilishdi. Misrlik futbolchi jamoa boshlang‘ich tarkibdagi o‘rnini yo‘qotganidan norozi bo‘lib, Arne Slot va klubni tanqid qildi.
Taniqli jurnalist Ben Jeykobsning ijtimoiy tarmoqlarda ma’lum qilishicha, 33 yoshli Salohni chetlatish haqidagi qarorni "Liverpul" sport direktori Richard Xyuz qabul qilgan. U murabbiy Slot bilan gaplashdi va shunday qarorga keldi. Saloh munozaralarda ishtirok etmadi.
Chempionlar Ligasi umumiy bosqich 5-turida "Inter" va "Liverpul" 9 dekabr, seshanba kuni to‘qnash keladi.













