«Ливерпуль» Миср терма жамоаси ҳужумчиси Муҳаммад Салоҳни январ ойида сотишга қарор қилгани ҳақида X ижтимоий тармоғида indykaila News хабар берди.
Салоҳ ҳар қандай вариантга очиқ — у «Барселона», «Реал» ёки «Бавария»га ўтишни кўриб чиқишга тайёр, аммо Саудия Арабистонидан тушиши мумкин бўлган таклиф энг мақбул вариант бўлиб чиқиши мумкин.
Эслатиб ўтамиз, бундан аввалроқ мисрлик футболчи бош мураббий Арне Слотни танқид қилиб, жамоадаги ўрнидан норозилик билдирган эди. Ҳужумчи кетма-кет уч ўйинда асосий таркибда майдонга тушмади. Шундан кейин уни «Интер»га қарши бўлиб ўтган Чемпионлар лигаси учрашуви учун рўйхатга ҳам киритишмади.
Жорий мавсумда Салоҳ «Ливерпуль» сафида 19 та ўйин ўтказиб, 5 та гол урди ва 3 та голли узатма берди. Ҳужумчининг амалдаги шартномаси 2027 йил ёзигача мўлжалланган.













