"Тоттенхэм" бош мураббийи Томас Франк ҳимоячи Дестини Удоджи тизза ости пайидан олган жароҳати туфайли 2025 йилнинг охиригача майдонга туша олмаслигини тасдиқлади.
23 ёшли италиялик футболчи "Ньюкасл"га (2:2) қарши баҳсда жароҳат олиб, "Брентфорд"га (2:0) қарши ўйинни ўтказиб юборганди.
"Афсуски, Дестини "Ньюкасл" билан ўйин охирида тизза ости пайидан жароҳат олди, шунинг учун у январгача сафдан чиқди," - деди Франк матбуот анжуманида.
2025/26 йилги мавсумда Удожи 15 та ўйинда 1 та голли узатмани амалга оширди.
Ҳимоячи "Тоттенхэм"даги фаолияти давомида тизза ости пайлари билан боғлиқ муаммолар туфайли 25 та ўйинни ўтказиб юборди. Унинг шартномаси 2030 йилнинг 30 июнига қадар мўлжалланган.
