"Манчестер Сити" бош мураббийи Пеп Гвардиола Чемпионлар лигасининг "Реал"га қарши ўйинидан нималар кутаётгани ҳақида гапирди.

"Бу ҳеч қачон осон бўлмайди. Леверкузенда нимчорак финалга яқинлашиш имкониятини бой бердик. Аммо биз ўз ўйинимизни кўрсатамиз ва плей-оффга чиқиш учун зарур бўлган очколарни қўлга киритиш учун яна учта ўйинимиз бор.

Бу бошқа турнир. Умид қиламанки, ҳар доимгидек ўйнай оламиз. Мен ҳар доим катта ареналарда қўлимиздан келганича ўйнашимизни хоҳлайман.

Йўқ, ротация бўлмайди. Сиз, журналистлар, "Байер" билан ўйиндан кейин мени шундоқ ҳам йўқ қилдингиз (таркибда 10 та ўзгариш қилганимда - таҳр.). Шунинг учун мен: "Ротация туфайли яна йўқ қилинишни истамайман," дедим. Сизга ёқишни истайман. Ҳеч қандай сабаб йўқ. Шундай қилишга қарор қилдим. "Бернабеу"да импульс қандай бўлишини кўрамиз. Ҳозир бугунги кундан завқланиш вақти, эртага эса Чемпионлар Лигаси ҳақида ўйлаш вақти бўлади," - деди Гвардиола.

"Реал" - "Манчестер Сити" баҳси 10 декабрь, чоршанба куни бўлиб ўтади.