Дортмунднинг "Боруссия" клуби марказий ҳимоячиси Нико Шлоттербек "Бавария" ёки Мадриднинг "Реал" клубига ўтиш истагини билдирди. Футболчи ушбу клублардан бирига ўтиши мумкинлигига умид қилмоқда. 23 ёшли ҳимоячини ўз сафига қўшиб олиш учун даъвогарлар орасида "Барселона" ҳам бор, аммо каталонияликлар учун ҳужумчи топиш устувор бўлиб қолмоқда. Бу ҳақда Sky Sport Germany хабар бермоқда.

Шлоттербекнинг "Боруссия" билан амалдаги келишуви 2027 йилнинг 30 июнига қадар мўлжалланган. Шунга қарамай, дортмундликлар аллақачон ҳимоячига яхшиланган шартлар билан 2030 йилгача мўлжалланган янги битим таклиф қилган. Бу Никони жамоанинг энг кўп маош олувчи ўйинчиларидан бирига айлантиради, бу эса унинг келажакдаги қарорига таъсир қилиши мумкин.

Transfermarkt портали маълумотларига кўра, Шлоттербекнинг нархи 40 млн еврони ташкил қилади.