"Милан" клуби ва Нидерландия миллий терма жамоасининг собиқ ҳужумчиси Марко ван Бастен "Ливерпуль" форварди Муҳаммад Салоҳ билан жамоа бош мураббийи Арне Слот ўртасидаги можарога баҳо берди.
Собиқ ҳужумчи мисрлик футболчининг хатти-ҳаракати нотўғри ва аҳмоқона бўлганини таъкидлади.
"Мен буни шундай ифодалаган бўлардим: унинг ақли май қўнғизиникига ўхшайди. Ўтган мавсумда у жуда яхши ўйнаган эди, аммо бу мавсумда у ўша даражада эмас. Салоҳ сўнгги бир неча ойда жуда ёмон аҳволда," - дея ван Бастеннинг сўзларини келтиради Ziggo Sport.
Нидерландиялик собиқ футболчининг фикрича, айнан Салоҳ биринчи бўлиб Слотга нисбатан ёмон муносабатда бўлган, мураббий эса ўзини тўғри ва ҳалол тутган.
Аввалроқ Слот Салоҳни "Интер"га қарши Чемпионлар Лигаси ўйини таркибига киритмагани маълум қилинди.
