"Milan" klubi va Niderlandiya milliy terma jamoasining sobiq hujumchisi Marko van Basten "Liverpul" forvardi Muhammad Saloh bilan jamoa bosh murabbiyi Arne Slot o‘rtasidagi mojaroga baho berdi.
Sobiq hujumchi misrlik futbolchining xatti-harakati noto‘g‘ri va ahmoqona bo‘lganini ta’kidladi.
"Men buni shunday ifodalagan bo‘lardim: uning aqli may qo‘ng‘izinikiga o‘xshaydi. O‘tgan mavsumda u juda yaxshi o‘ynagan edi, ammo bu mavsumda u o‘sha darajada emas. Saloh so‘nggi bir necha oyda juda yomon ahvolda," - deya van Bastenning so‘zlarini keltiradi Ziggo Sport.
Niderlandiyalik sobiq futbolchining fikricha, aynan Saloh birinchi bo‘lib Slotga nisbatan yomon munosabatda bo‘lgan, murabbiy esa o‘zini to‘g‘ri va halol tutgan.
Avvalroq Slot Salohni "Inter"ga qarshi Chempionlar Ligasi o‘yini tarkibiga kiritmagani ma’lum qilindi.
