"Ливерпуль" бош мураббийи Арне Слот Чемпионлар Лигаси доирасидаги "Интер"га (1:0) қарши ўйин ҳақида фикр билдирди.
"Сан-Сиро"да "қизиллар" 88-дақиқада Доминик Собослаининг пенальтидан аниқ зарбаси эвазига устун келди.
"Саккизликка даъвогарлик қилиш учун камида 15 очко тўплаш керак. "Интер"дан 3 очко ортда қолаётган эдик, шунинг учун бугунги ғалаба жуда муҳим. "Интер" жуда кучли, аммо биз яхши ҳаракат қилдик. Ўйинчилар максимал даражада фидойилик кўрсатишди. Ҳимоя пайтида бутун жамоа гол хавфини минималлаштириш учун ҳаракат қилишди. Натижада ўйин якунида пенальти ишлаб олиш ва якунда гол уриш имконига эга бўлдик," - деди Amazon Prime’га берган интервьюсида Слот.
Кейинги турда, 21 январь куни "Ливерпуль" сафарда "Марсель" меҳмони бўлади.
